P15-M nga shabu nasakmit sa PDEA sa prisohan, condo duol sa Malakanyang

MANILA, Pilipinas — Nasakamit sa mga personahe sa Philippine Drug Enforcement Agency niadtong Lunas, Nobembre 6, 2017 ang shabu nga mobalor P15-milyones sa inahan nga napriso sa  Correctional Institute for Woman  sa Mandaluyong  ug sa iyang anak nga nagpuyo sa condominium duola sa Solano gate sa Malakanyang.

Ang suspetsado nga usa ka sintensyado ug anaa na sa correctional nailhan nga si Yu Yuk Lai, alias Yuk Lai Sze and Anna Sy Balmeo, 72 anyos ug usa ka Taiwanese national.

Samtang ang anak ni Sze nga si Diane Yu, nga nanimuyo sa 867 General Solano street, San Miguel, duol sa Malaknyang ang nadakpan sa palo-up nga operasyon sa PDEA.

Matud pa ni PDEA director General Aaron Aquino, misulay ug hatag ug kuarta ang mga suspetsado sa personahe sa PDEA aron dili kuhaon ang ilang mga epektos  sa kantidad nga P5-milyones.

Sa pakighinabi sa mga reporters, gipanghimakak ni Diane nga misulay sya ug bayad sa mga taga PDEA.

Sumala pa ni Derrick Carreon, tigpamaba sa PDEA gihimo ang Oplan Galugad sa womens correctional Lunes sa Kaadlawon, human napalitan ug shabu si Sze sa usa ka personahe sa PDEA.

Nakuha gikan kay Sze ang  shabu ang duha ka kilo nga shabu nga gisulod sa tadyaw ug mga naka-pakete ug kini gibana-bana nga mokabat sa P4.5 milyones ka pesos.

Adunay 135 gramos nga iligal nga druga  ang gilukluk sa 27 ka panty liners nga mobalor P945,000; usa ka milyon nga basiyo sa kapsula ug mga tseke nga mokabat sa P633,593, usa ka blanko nga libro sa tseke, ug lima ka ATM cards.

Nakaplagan usab sa PDEA ang usa ka bank account  nga adunay suldo nga P1,501,934.36 nga naka pangalan kang Balmeo.

Nakuha usab sa PDEA ang lima sa cellphones; usa ka tablet; pocket wifi; 18,500 New Taiwan Dollar; 801 Chinese yuan; 8,440 Hong Kong dollar; 40 Saudi riyal; 12 Qatar riyal; 20 dirhams, 16 US dollars; ug P110,982.

Matud pa ni Carreon gina-imbistigahan karon ang 180 ka empleyado sa Bureau of Correction  ug sila usab gipa ilaum sa drug test.

Tungod sa panghitabo, Gitangtang sa puesto si Correctional director Elsa Alabado ug gihulipan kini ni Attorney Daisy Castillote.

Nakakuha usab ang PDEA ug shabu nga mokabat sa P10-milyones gikan sa condominium ni Uy.

Si uy matud pa gina-guardiado sa usa ka membro sa PNP-SAF (Special Action Force) nga nailhan nga si PO3 Walter Vidad.

Gi-imbistigahan na usab sa PNP si PO3 Vidad.-Harold V. Pontongan/Newsline,ph