DAKBAYAN SA DAVAO —Nakapalit sa tag P20 kada kilo nga bugas ang pipila ka residente sa Bicol Region sa dihang gidala sa nahisgutang lugar ang “Kadiwa sa Pangulo” niadtong Abril 25, kini sumala sa National Irrigation Administration (NIA).
Ang mga nakapalit mao ang miembro sa Pantawid Pamilyang Pilipino Program (4Ps), mga tigulang ug mga tawo nga adunay espesyal nga panginahanglan.
Ang mga namaligya og tag P20 nga kilo sa bugas gilangkuban sa mga negosyante nga misalmot sa Kadiwa ug sa tabang sa Irrigators Association kay sila mismo ang mitugot nga ibaligya sa tag-baynte ang kilo sa bugas, sumala sa National Irrigation Administration (NIA).
Sa usa ka pahayag sa NIA, gisaysay niini nga gilusad ang Kadiwa ng Pangulo sa Albay-Catanduanes Irrigation Management Office (ACIMO) sa Ligao City, Albay, tungod kay mitabang ang mga irrigators aron mabaliya ang baratong bugas.
Samtang sa laing bahin, ang mga regular nga kustomernakapalit og bugas sa kantidad nga PhP35.00 matag kilo.
“Nagsilbi kini nga paagi sa mga Irrigators Associations (IAs) nga ibalik ang mga benepisyo nga ilang nadawat gikan sa gobyerno ngadto sa dili kaayo pribilihiyo nga mga tawo alang sa ilang komunidad,” sumalsa sa Facebook page sa NIA.
Gawas sa barato nga mga produkto sa bugas, namaligya usab og mga lamian nga pagkaon ug prutas nga produkto sa Albay ang Kadiwa niadtong adlawa.
Ang proyekto nahimong posible pinaagi sa paningkamot ni NIA Regional Manager Engr. Gaudencio M. De Vera, Albay-Catanduanes IMO Manager Engr. Jessie D. Baynas, ug ACIMO IA Federation President Melanio Bañares.
Matod ni Bañares nga katagbawan alang kanila, mga lider ug miyembro sa IA, ang pagpaambit sa ilang panalangin gikan sa abundang ani sa miaging panahon sa pagpananom taliwala sa El Niño phenomenon sa nasod.
Siya midugang nga ang abunda nga ani “usa ka testamento sa panaghiusa sa gobyerno, nga nagpakita sa epektibong pagtinabangay nga mga inisyatibo,” nga makita sa abunda nga ani taliwala sa ting-init.
){kind=link}