DAKBAYAN SA DAVAO —Gisakay ang illegal nga droga sa usa ka SUV nga gi-abandona sa Liloan Port, Barangay San Roque, Liloan, Southern Leyte niadtong Nobyembre 7, 2024 bandang alas 11:00 sa gabii.
Subay sa report sa Philippine Coast Guard, nagpahigayon og paneling operation ang Coast Guard K9 Force Team Liloan ug PDEA-Seaport Interdiction Unit Southern Leyte dihang ilang nasiplatan ang kolor metallic nga SUV ug gipailawom sa paneling inspection sa k9 nga si Luke nga usa ka Narcotics Detection Dog ug nasakpan nga positibo sa illegal nga droga ang karga sa sakyanan.
Sa gihimong search sa sakyanan nasakpan ang 57 blocks sa gituohang shabu nga gibana-banaang mokantidad sa 387,600,000 pesos.
Migawas sa imbestigasyon nga gikan sa Surigao City ang SUV ug padulong sa Eastern Visayas nga sakay sa MV Fascat ug gibiyaan sa driver dihang namatikdan nga adunay inspection team ug wala na igkita ang driver.
Susihon pa sa mga otoridad kung kinsa ang tag-iya sa sakyanan ug kinsa o kang kinsa ihatud ang karga niini nga illegal nga droga.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
