DAKBAYAN SA DAVAO— Nasakmit sa mga anti-narcotics agents ang balor P6.8 milyon nga gisuspetsahang shabu gikan sa duha ka mga tigpayuhot og ilegal nga druga didto sa Barangay Saduc sa Marawi City niadtong milabayng adlaw.
Sumala ni Gil Cesario Castro, director sa Philippine Drug Enforcement Agency-Bangsamoro Autonomous Region in Muslim Mindanao, ang mga suspetsado nga sila siAbdul Diongaan, 47, ug kang 49-anyos nga Panarigan Radia, daling nasikop sa usa ka entrampment operation, ug wala kini mosulod sa dihang gipahigayon ang operasyon.
Usa ka personahe sa PDEA ang nagpakaaron ingnon nga mopalit og drug nga balor P6.8 milyon ug sa dihang gitunol na ang iyang pinalit, gidakop dayon ang mga suspeks.
Giandam na sa PDEA ang mga kasong paglapas sa Comprehensive. Dangerous Drugs Act of 2002.
Ang Barangay Saduc usa ka residensyal nga lugar sa Marawi City nga sakop sa Bangsamoro Autonomous Region in Muslim Mindanao (BARMM)
Matod ni Castro ang malampuson nga operasyon nahitabo tungod sa tabang nilang Lanao del Sur Gov. Mamintal Adiong Jr., ug Brig. Gen. Prexy Tanggawohn, direktor sa Police Regional Office-Bangsamoro Autonomous Region.
