DAKBAYAN SA DABAW (Enero 23) — Gisunog sa Optical Media Board niadtong Mierkules Enero 16, ang 440 ka sakong CD og DVD nga mibalor ug P63-milyones sa gawas sa Davao City Police Office.
Ang pagsunog sa mga nakonpiskang CD og DVD gitambungan sa mga opisyal sa Task Force Davao, Davao City Police Office ug mga kadagkoan ning dakbayan.
Ang mga CD og DVD nasakmit sa mga pagpangronda niadtong Septembre 2018, nga gihimo sa kapulisan kuyog ang taga OMB.
Sa talaan sa OMB ikalima ang dakbayan sa ilang listahan kung diin daghan ang nakuha nga mga pekeng CD og DVD.
Sumala ni OMB chairman og CEO Atty. Anselmo B. Adriano, “Ang pagsunog sa mga pekeng CD og DVD gihimo aron ipakita sa publiko nga gipatuman sa goberno ang balaud, nga tanang masakmit nga ilegal angayan lang nga sunogon, aron dili na kini mapuslan sa uban.”-Jian A. Padillo/NewsLine.ph
