DAKBAYAN SA DAVAO—Usa ka babaye nga mi-angkon nga pag-umangkon ni Interior Secretary Benjamin Abalos Jr., ang kagahapon kay nag-operate og kolorum o dili awtorisadong pasaheroan nga van niadtong Huebes.
Usa ka “Jaz Abalos” ang gikataho nga miadto sa headquarters sa Metropolitan Manila Development Authority (MMDA)’ sa Pasig City aron makignegosasyon sa pagkuha sa van nga naguyod sa garahe sa MMDA tungod sa paglapas sa balaud ug pagbiahe nga walay prankesa.
Personal nga mibisita si “Jaz” kang MMDA assistant general manager for operations nga si David Angelo Vargas ug nagpaila nga pag-umangkon siya ni Abalos.
Nailhan kini nga usa sa mga mga miembro sa pamilyang Abalos pinaagi sa iyang litrato ug ID, sumala ni vargas, nga umagad nga lalaki ni Abalos.
Gipara ang sakyanan ni Jaz sa mga personahe sa MMDA kagahapon sa ilang kampanya batok sa mga kolorum nga sakyanan sa Cubao sa dihang ilang nakit-an ang van nga adunay plaka DAY 1423.
Ang drayber niini nga si Antonio Mirasol, naningil og P200 sa mga pasahero aron ihatod sa Laguna.
Nasikop si Mirasol human nipakita og expired nga rehistro sa sakyanan ug peke nga driver’s license.
Gidakop si Jaz pagkahapon. Si Mirasol ug Jaz pasakahan og kasong falsification of public documents with conspiracy, estafa, resistance and disobedience ug light threat, sumala sa MMDA.
