DAKBAYAN SA DAVAO –— Gipasusi karon ni Philippine National Police Chief Gen. Rommel Francisco Marbil ang usa ka memorandum circular kalabot sa pagdili sa police tattoo policy.
Matud ni PNP spokesperson Col. Jean Fajardo, gimanduan ni Marbil ang Directorate for Personnel and Records Management nga tun-an una kini sa dili pa kini ipatuman.
“Naay kamandoan ang atong PNP chief nga i-review pag-usab kining maong implementasyon kay kining circular gipirmahan man sa atong kanhi PNP chief,” matod ni Fajardo.
“Bisan pa man adunay mga kabalaka nga nakaabot sa hepe sa PNP ug siya miingon nga siya naghatag usa ka mando sa DPRM nga tun-an ang pagpatuman niini tungod kay adunay pipila nga mga kabalaka sa kahimsog ug medikal labi na bahin sa pagtangtang sa makita nga mga tattoo,” dugang niini.
Giklaro ni Fajardo ang nga magpabilin ang ilang polisiya nga bawal magpa-tattoo ang mga bag-ong aplikante sa PNP.
Una niini, usa ka opisyal sa National Bureau of Investigation ang nagbutyag nga nakatabang ang mga tattoo sa pag-ila sa mga biktima Landslide sa barangay Zone 1, sa Masara, Maco, Davao de Oro niadtong Pebrero 6.
