DAKBAYAN SA DAVAO — Nahugno ang tibouk kalibutan sa dihang gibalita nga gipusil-patay si kanhi Japanesse Prime Minister Shenzo Abe niadtong BIernes.
Nagpadayag og pahasubo ang mga nagkadaiyang llideres sa tibouk kalibuutan sa kamatayon ni Abe human kini gipusil sa usa ka 41-anyos nga si Tetsuya Yamagami, gamit ang iyang hinimo nga shotgun.
Nangampanya si Abe alang sa iyang partido doul sa Kintetsu Railway’s Yamato-Saidaiji Station sa lungsod sa Nara sa dihang gipusil kini sa iyang likod gamit ang “improvised” nga shotgun.
Naigo sa iyang li-og ug dughan si Abe.Sumala sa taho sa mga Japanese News Agency, samtang nagmulong si Abe, miadto sa likod nga bahin ni Abe ang suspect nga Yamagami.
Nagpadayag sa ilang pahasubo ang mga lideres sa tibouk kalibutan:
Nakuratan ug nagoul si United States President Joe Biden sa nahitabo kang Abe, matud sa Presidente nasubo siya sa kamatayon sa iyang amigo nga si Abe. Matud ni Biden si Abe ang nagsugat niya sa iyang pagbisita sa Japan, ug usa si Abe ka boutan nga tawo.
Una niini, namulong si US ambassador to Japan Rahm Emanuel snga siya “saddened and shocked.” Matud ni Emanuel, usa ka lig-on nga lider si Abe ug nagpadayong kaalyado sa Istados Unidos.
Nagpaabot usab sa iyang pahasubo si Ukrainian President Volodymyr Zelenskyy sa pamilya ni Abe ug sa katawhan sa Japan pinaagi sa iyang Twitter.
Si Canadian Prime Minister Justin Trudeau namulong nga makapakurat ang nahitabo kang Abe ug nagoul siya sa gidangtan sa kanhi Prime Minister.
Matud ni Trudeu nawad-an og usa ka lig-og nga lider nga dunay ligdong ug limpyo nga panglantaw ang kalibutan, matud niini nawad-an ug soud nga higala ang Canada. “My thoughts are with his wife, Akie, and the people of Japan as they mourn this loss. You’ll be missed, my friend.”
Ang European Union, pinaagi ni European Council president Charles Michel nakuratan usab.
Matud ni Michel sa iyang tweet si Abe, usa ka tinoud nga higala og kanunay modepensa sa “multilateral order & democratic values.”
Nakuratan usab si NATO Secretary General Jens Stoltenberg “deeply shocked.” “My thoughts are with him and his family,” matud niini sa iyang Tweet “#NATO stands with the people of our close partner #Japan.”
Nagpadayag sa iyang kasubo ug kaguol si British Prime Minister Boris Johnson sa gidangatan ni Shinzo Abe. Sa iyang tweet, gipadayag ni Johnson ang iyang kaguol ug kasubo sa nahitabong pagpamusil.
Nagpakita usab sa iyang kasubo si Australian Prime Minister Anthony Albanese sa iyang Facebook tweet. Nagpadayag pod usab si Albanese sa iyang simpatiya ngadto sa katawhan sa Japan.
Sa iyang Twitter account, nagpadayag sa iyang kasubo si Indian Prime Minister Narendra Modi sa gidangatan sa iyang suod nga amigo nga si Shinzo Abe.
Nagpadayag usab og simpatiya ug nag-ampo alang sa kaluwasan ni Mr. Abe ang Russian embassy sa Japan.
Gikondena sa French embassy sa Japan ang nahitabong pagpamusil kang Abe ug nagpadayag pod sila sa ilang pagsuporta ug simpatiya ngadto sa pamilya ni Abe.
Giila ni Singaporean Prime Minister Lee Hsien Loong si Abe isip maayong amigo sa Singapore ug sa iyang Facebook post iyang gikondena ang nahitabong insidente.
Si Thailand Prime Minister Prayut Chan-O-Cha nakuratan sa panghitabo ug matud ni Foreign Minister Don Pramudwinai suod nga amigo ang duha ka mga Prime Minister sa Japan ug Thailand.
Sa Malaysia gipadayag ni Malaysian Foreign Minister Saifuddin Abdullah ang iyang kasubo sa nahitabo kang Abe.
Nakuratan usab ang Department of Foreign Affairs Secretary sa Pilipinas nga si Enrique Manalo sa nahitabong pagpamusil ug iyang gikondena ang insidente. Nagpadangat usab siya sa iyang simpatiya ngadto sa pamilya ni Abe.
Nagpadayag sa ilang pahasubo ang spokesperson sa Chinese Foreign Ministry nga si Zhao Lijian sa nahitabo kang Prime Minister Abe. Nakuratan usab si German Foreign Minister Annalena Baerbock sa gidangatan ni Abe ug nagpadayag si Baerbock sa iyang pagsuporta ug simpatiya sa pamilya ni Shinzo Abe.
