DAKBAYAN SA DAVAO — KANSELADO!
Mao kini ang tinoud nga istado sa dugay nang gibaniug nga Mindanao Railway Project ubos sa Build! Build! Build! Project ni kanhi Presidente Rodrigo Duterte.
Mibuto ang balita sa dihang gi-anunsyo ni Undersecretary of Railways Cesar Chavez sa Department of Transportation kon DOTR niadtong milabayng semana.
Matud ni Chavez, padayon pang gina-pangitaan og paagi ni Presidente Ferdinand Marcos Jr. ang loan sa Beijing ug nanghinaut kini nga mahilot pa ang nahisgutang kasabutan, tungod kay walay kuarta ang gobierno alang sa nahisgutang proyekto.
Ang loan application, gilangkuban sa tulo ka proyekto nga gisumitir sa China Eximbank, usa ka banko nga gipanag-iyahan sa gobierno sa China.
Nakansela ang proyekto kay wala kini naaksyunan tungod sa gibutang ni kanhi Finance Secretary Carlos Domingues nga sulat niadtong Mayo, gibutang sa sulat ni Dominguez “putting the application in suspended animation, instead cancelled”.
Ang pipila ka proyekto nasugdan na pinaagi sa mga lokal nga panggamhanan, apan ang bolto sa pondo wala pa.
Ang proyekto nga naapektuhan mao ang mosunod:
- Philippine National Railway (PNR) Bicol project,
- Subic–Clark Railway Project (SCRP)
- Mindanao Railway Project (MRP).
Ang proyekto anaa na sa first phase, bout pasabot nasugdan na. Gisaysay ni Chavez nga ang mga proyekto nga wala naaprobahan sa Chinese government.
Gisumitir sa Philippine Government ang proyekto niadtong 2021-2022.
Matud ni Chavez, gisulatan sa Department of Finance (DoF) ang China Eximbank niadtong Mayo nga kung dili maproseso ang loans una moabot ang katapusan sa Mayo, I konsidera nalang kin inga gi withdraw.
Ang first package sa PNR Bicol project, mibalor og P142 billion, mao kini ang mosumpay sa Kalamba sa Laguna paingon sa Daraga, Albay nga dunay gitas-on nga 380 km railway.
Ang P50-billion nga Subic-Clark Railway Project nga dunay gitas-on nga 71.13-km mosumpay sa Subic Bay Freeport Zone ug Clark Freeport Zone.
Ug ang gikahinaman nga Mindanao Railway project, nga dunay kantidad nga P83-bilyon langkuban sa 102-ka kilometro nga Tagum-Dawao-Digos nga ruta. Ug mao unta kini ang pinakauna nga railway sa Mindanao.
Ang Mindanao railway gilauman unta nga momenus sa biahe gikan sa digos, davao del sur paingon sa Tagum city, Davao del Norte ug gilauman unta nga mahuman sa tig 2024-2025.
Sumala sa bag-ong finance secretary nag si Benjamin Dioknon, ilang imbistigahan ang posibilidad kung puede pa ba ipadayon ang nahisgutang loan sa gobierno sa China.
Walay nasayud Unsa man ang sunod nga mahitabo sa mga dagkong proyekto nga gidamgo ni kanhi Presidente Rodrigo Duterte, apan, klaro kanatung tanan nga nag ilaid ang ekonomiya sa tibouk kalibutan karon panahuna, gikan sa pag-antos tungod sa oandemya—hangtud sa gubat sa Russia ug Ukraine.
