DAVAO CITY –— Nagpahibalo na ang Philippine Airlines (PAL) ang ilang isuspenso ang ilang rotan ga Manila-Kalibo-Manila karong Marso 1. Kini tungod kinahanglan na nilang i-adjust ang rota sa ilang mga eroplano.
Ang balita nakapagoul sa mga negosyante labi na kay maigo niini ang industriya sa turismo sa lugar.
Matud sa mga negosyante mawala na ang aktibidad doul sa Kalibo International Airport (KIA) ug kini makaapekto sa ekonomiya sa ilang probinsya.
Nagsulat na kang Aklan Governor Jose Enrique Miraflores niadtong Enero 3, ang PAL vice president for corporate affairs nga si Anne Tiongco aron ikonpirma ang pagsuspenso sa ilang rota sa Manila-Kalibo-Manila.
Ang airport sa Kalibo, nahimong sentro sa rota paingon sa gibantog nga Boracay Island, nga karon didto na moagi sa Godofredo Ramos Airport sa Caticlan.
Ang mga lokal nga lider niingon nga ang kaugmaon sa probinsya nagdepende sa pagpabuhi sa KIA. Gawas sa pagsulbad sa mga isyu sa pang-gobyerno, ilang gipasiugdahan ang proactive nga kolaborasyon tali sa gobyerno ug pribadong stakeholders aron mapasig-uli ang kanhing himaya sa airport.
