DAKBAYAN SA DABAW (Septembre 20) —- Dili tagaan ug VIP (Very Important Person) nga pagtagad sa New Bilibid Prison ang nakonbiktong retiradong heneral nga si Jovito Palparan ug iyang mga kauban.
Kini ang gipasalig ni Bureau of Corrections (BuCor) Direktor General Ronald “Bato” dela Rosa, human nagpadayag ug kabalaka ang ginikanan sa duha ka istudyante sa University of the Philippines nga basin tagaan ug ispisyal nga pagtagad si Palparan ug iyang mga kauban sulod sa prisohan.
“Wala silay angay kabalak-an, di mosalir sa ako ng VIP-VIP, pantay silang tanan,” saad ni Dela Rosa.
Gi-sintensyahan ni Judge Alexander Tamayo sa Malolos Trial Court, sila si Palparan kuyog sila Lt. Col. Felipe Anotado, Jr. og Staff Sgt. Edgardo Osorio tungod sa pagdagit ug sa ilegal nga pagtago sa nawala nga duha ka tinun-an sa UP nga sila si Sherlyn Cadapan og Karen Empeno niadtong Hunyo 26, 2006.
Gidagit ni Palparan ug iyang mga kauban ang duha ka istudyante gikan sa ilang gi-abangan nga balay ug wala na kini makabalik.
Ubos sa kamanduan ni Tamayo, dalahon na silang Palparan sa Bilibid aron ilang maserbisyohan ang ilang sentensya.
Apan, nahadluk ang pamilya sa mga biktima nga mahayahay na unya ang kahimtang ni Palparan sa Bilibid tungod kay sya kanhi opisyal sa kasundaluhan.
Tungod niini, gipasalig ni Dela Rosa “Walay VIP diri sa Bilibid, mag angay silang tanan, diri man siya ibutang sa maximum compound.”
Magsunod si Palparan sa proseso sa Bilibid, Matud pa ni Dela Rosa “Sa unang lima ka adlaw nila, amo silang ibutang sa kuarentinas, i-medical chek-up, lawas ug pangutok, pagkahuman, pasabton sila sa balaud dinhi sa Bilibid,”
Human niana, “Pagahimu-on ang assessment sa sulod sa 55 ka adlaw, aron mahibal-an unsa ang programa nga mohaum kaniya samtang iyang gi-serbisyohan ang iyang sentensya, pagka-human ana, ihatud na siya sa iyang puy-anan, didto sa regular dormitoryo, sama sa ubang piniriso.”
Gisilutan si Palparan nga mapriso hangtud 40 ka tuig.-Harold V. Pontongan/NewsLine.ph
