Parojinog namatay sa posibleng heart attack o Covid-19

Date:

Share post:

DAKBAYAN SA OZAMIZ –— Posibleng Cardio Pulmonary arrest secondary to cardio vascular disease ug probable COVID-19 disease ang hinungdan sa kamatayon ni kanhi Misamis Occidental 2nd District board member Ricardo ‘Ardot’ Parojinog.

Sa pakighinabi sa membro sa media, matud ni Ozamiz PNP Chief PMaj. Ryan Revillas, nagduda si Dr. Maria Florelyn Yrog-yrog, ang medico legal ning lungsod, nga posibleng gi-ataki sa sakit sa kasingkasing o posibleng covid-19 ang hinungdan sa kamatayon ni Parojinog.

Gi-swab test ang patayng lawas ni Parojnog ug magpaabot ang PNPsa resulta niini.

Ang patayng lawas ni Reynaldo “Ardot” Parojinog Jr sulo sa iyang selda.-Hulagway gikan sa usa ka tinubdan

Sa usa ka hulagway nga nakuha sa Newsline.ph, murag natulog lang si Parojinog sa ibabaw sa katre ug nakataas ang t-shirt niini.

Niadtong Biernes, Septiembre 4 bandang alas sais (6:00) sa buntag, nakit-an na lang nga wala nay kinabuhi si Parojinog sa iyang selda sulod sa PNP Station sa Ozamiz City.

Namatay si Parojinog sa gikatakdang adlaw sa iyang arraignment sa paglapas sa RA 10591 ug RA 9516, kon illegal possession of fire arms and explosives sa Regional Trial Court Branch 15 sa Ozamiz

Si Parojinog miabot sa Ozamiz City niadtong Huesbes sa buntag gikan sa  Camp Crame Custodial Center sakay sa Cebu Pacific Flight.

Nasayran nga walay kauban sa iyang selda si Ardot Parojinog tungod kay ang mga napriso didto gibalhin sa PNP Clarin gumikan kay security risk sa Ardot.

Si Ardot mao ang igsoon ni kanhi Ozamiz City Mayor Reynaldo Parojinog, Sr., nga napatay sa madugong pagpangronda niadtong kaadlawon sa Hulyo 30, 2017 sa pagpanguna ni Police Major Jovie Espenido, kanhi hepe sa Ozamiz PNP.

Lakip si Ardot sa ginganlan ni Presidente Rodrigo Duterte nga naa sa listahan sa mga Narco-politicians.

Matud ni Revillas, wala sila magdahom nga mahitabo kadto kang Ardot.

Nakuha ang patayng lawas ni Parojinog mga alas dos (2:00) na sa hapon ug ilayong gi-disinfect ang selda ug opisina sa PNP.

Naka PPE ang mga trabahante sa punerarya nga mikuha kang Parojinog gikan sa iyang selda –Neptalie Batolenio/Newsline.ph

RIZAL MEMORIAL COLLEGEspot_img

Related articles

Banaybanay rises from third-class to First-Class town, opens new development

BANAYBANAY, Davao Oriental (November 18) — Marking a significant milestone in local governance and economic growth, the...

More than 200 protesters held as stalled inquest raises due process concerns

UP students, campus journalists among those detained after anti-Pax Silica rally; families and rights advocates await clarity on...

Loaded gun, knife found in school as 12-year-old surrenders pistol in MisOr

Two pupils allegedly armed themselves to confront school bullies; barangay, police and school authorities investigate how weapons reached...

Japan offers oil storage, but can regional fuel reserves shield Filipinos from price shocks?

Philippine-led stockpiling initiative seeks to protect Asia from supply disruptions, but access, financing and emergency release rules remain...