DAKBAYAN SA DAVAO —Mao kini ang sugyot ni Executive Secretary Salvador Medialdea sa mga sendor nga nag-akusar kang Health Secretary Francisco Duque ug sa ubang opisyal nga ‘overpriced’ kuno ang mga suplay alang sa Covid-19.
Sa iyang facebook post, Matud ni Medialdea ‘Ang akong sugyot sa mga nagpatawag og hearing sa senado, mas maayong mopasaka sila og kaso ug pasagdan nga ang mga eksperto nga motuki sa isyu. Imbis magsige og imbistiga nga walay kapaingnan mas mayo pa nga maghimo sila og balaud kay mao man ang ilang papel,” sugyot ni Medialdea.
Saysay ni Medialdea, lima na ka Senate hearing ang gipahigayon ug laing hearing na usab ang himoun ugma, Septiembre 13.
Gani, iyang gi-kwestyon ang katuyuan sa sunod-sunod nga imbistigasyon, kay matud niini wala gihapon kini padulngan.
