DAKBAYAN SA DAVAO — Dili sa Bohol, apan sa Barangay Langub, dinhi sa Davao City nakit-an sa usa ka biker ang patay nga tarsier nga giamigas dihang padulong sila mag-trail sa lugar niadtong Huwebes sa buntag, Abril 20.
Matud ni Kent, samtang padulong sila mag-trail naagian niya sa kalsada ang tarsier ug sa una niyang tan-aw nagtuo kini nga ilaga nga namatay apan nagtahap siya sa kolor mao nga iyaha kining gibalikan ug nakumpirma nga usa kini tarsier.
Matud pa ni Kent, posibleng bag-o lang namatay ang tarsier niadtong higayona ug iyaha kining gipadaplin sa kalsada gamit ang usa ka sanga sa kahoy.
Nagtuo si kent nga ang tarsier nagkumpayot sa punoan sa kahoy ug napunggit kini sa sakyanan sanglit daghan pa og punoan ang lugar kung asa nakit-an ang tarsier.
Nalouy si Kent og iyang gilubong ang tarsier.
Gikonsiderang endangered species na ang tarsier tungod sa pagpamutol og kahoy,illegal pet trade industry ug development sa lugar nga habitat o puy-anan sa mga tarsier hilabi na nga gusto niini ang hilum ug dili sab kini buot madisturbo.
Among gikondena ang tanang klaseng pagpangabuso sa mga hayop labi na ang mga nihit og protektado sa gobierno.
Kent, tag-iya sa Kentphotography Davao.-Paul T. Palacio
