DAVAO CITY — Nangayo na ang administrasyong ni Presidente Ferdinand R. Marcos og suporta sa mga kaalyadong nasud taliwala sa nagpadayon nga panagbangi ug panaglalis sa teritoryo sa China sa West Philippine Sea (WPS), kini ang gipadayag ni Mandaluyong city Representative Neptali Gonzales II kaganina.
Si Gonzalez, tsirman sa Special Committee on the West Philippine Sea, miingon nga nagpadayag na si Presidente Marcos sa iyang kabalaka sa nga lideres sa lain laing nasud nga iyang nabisita sukad niadtong Ener ning kasangtangang tuig.
“Iya nga gipasibaw ang isyu sa iyang pakigtagbo sa mga lideres sa mga nasud nga iyang gibisitahan, lakip ang Australia sa miaging bulan ug sa miaging semana, ug Vietnam kaniadtong Enero,” pahayag ni Gonzales.
“Gipadayon niya ang internasyonal nga presyor sa Beijing, aron ang mga Intsik moatras sa ilang mga agresibo nga kalihokan sa sulod sa among teritoryo, lakip ang Ayungin Shoal sa Palawan sa habagatan ug Bajo de Masinloc (Scarborough Shoal) duol sa Zambales ug Pangasinan sa amihanan, diin ang China gisakmit niadtong 2012,” matod ni Gonzales.
Matod ni Gonzales, partikular nga gisiguro ni Marcos ang pasalig sa Australia human kini miuyon sa pagpalig-on sa ilang hiniusang kalihokan sa kadagatan aron mapreserbar ang kalinaw sulod sa WPS ug masiguro ang proteksyon sa mga mangingisda nga Pilipino. Ang punong ehekutibo usab mipirma sa tulo ka mga kasabutan sa iyang biyahe sa Canberra, nga naglangkob sa “maritime domain, cyber ug kritikal nga teknolohiya, ug epektibo nga pagpatuman sa mga balaod ug palisiya sa kompetisyon,” dugang niya.
Sa iyang pagbisita sa Melbourne, sa laing bahin, si Marcos nakahigayon sa paghisgot sa maong butang uban sa mga punong ministro sa New Zealand ug Cambodia. Matud pa ni Gonzales nga ang Hepe Ehekutibo mipirma usab og memorandum of understanding bahin sa ‘Incident and Management in the South China Sea,’ uban sa Vietnam atol sa iyang pagbisita niadtong Enero.
