DAKBAYAN SA DAVAO — Walay personal nga isyu si Presidente Ferdinand R. Marcos Jr. batok ni kanhi Presidente Rodrigo Duterte, kini ang iyang giklarno niadtong Mierkules bisan nagsige og pagawas og pahayag ang kanhi presidente batok kaniya.
Kini ang giklaro ni Marcos sa mga reporters didto sa Germany sa dihang gipangutana kini atul sa iyang tulo ka adlaw nga pagbisita.
Matud ni PBBM, kabalo siya modala sa isyu nga personal ug isyu nga dunay kalabutan sa iyang trabaho.
“So, like I told you many times before, hindi ako namemersonal. Para sa akin, hindi naman madali, pero nahihiwalay ko ‘yung trabaho at saka ‘yung personal. So, I don’t see a problem there,” saysay ni PBBM sa media.
Nagpaabot usab ni Presidente Marcos ang iyang pagtimbaya sa adlawng natawhan sa kanhi presidente. Sa umaabot nga Marso 28, isaulog ni Duterte ang iyang ika-79 gna adlawng natawhan,
“We will, of course, wish him a happy birthday, and many happy returns. At talaga namang that is, alam mo naman tayong mga Pilipino ginagalang natin ‘yung mga very important occasions na ganyan,” dugang ni Marcos sa dihang gipangutana siya unsay iyang mensahe lang Duterte.
Dugang ni Marcos, dunay opisyal nga greetings ang opisina na Presidente, aduna usab siyay personal nga pagtimbaya kang Digong, kay matud niini personal niya kining nakaila,
