DAKBAYAN SA DAVAO — GIAWHAG karon sa Department of Health (DOH) ang publiko nga dili na mogamit og personal nga ‘air purifiers’ isip pamproteksyon batok sa COVID-19 tungod kay wala pay siyentipikong ebidensya nga epektibo kini.
Gipahayag ni Health Undersecretary Maria Rosario Vergeire nga imbes makalikay sa virus, mahimong maghatag kini sa nagsuot sa mga personal air purifiers og sayop nga impresyon sa mga migamit nga dili sila matakdan sa virus nga magresulta sa dili na hinuon pag-amping.
“Sinabi na po natin dati ‘yan, na wala po ‘yang ebidensya. Bagamat hindi po ito nakaka-cause ng harm sa isang tao, pero hindi rin po siya nakakapagbigay ng proteksyon laban sa COVID-19,” pasabot ni Vergeire.
“It will give that false security to our kababayans na baka magkaroon ng complacency because of this and baka lalo pa tayong magkaroon ng impeksyon,” dugang niya.
Kini human nga gimando sa usa ka lokal nga pangagamhanan sa Cebu nga mogamit ang mga pampublikong tsuper sa mga personal air purifiers pinaagi usab sa usa ka memorandum.
Una na usab nga gisaway sa transport group nga PISTON ang kamandoan nga dili lang kini dugang gastos sa mga driver ug gitawag usab nila kini nga ‘band-aid solution’ batok sa COVID-19.
