DAKBAYAN SA DAVAO–– Andam si Presidente Ferdinand Marcos Jr. nga himoun ang posibleng mga pamaagi aron makig-istorya sa China aron dili na moinit pa ang tensyon sa West Philippine Sea (WPS).
Sa interbyu sa mga miembro media sa Bacolod niadtong Lunes, misaysay si Marcos nga padayon nga mangita og paagi ang Pilipinas aron mapugngan ang mga insidente sa pagpamomba sa China Coast Guard og tubig sa mga barko sa pilipinas didto sa WPS.
“Nagpadayon gihapon kami sa paghisgot sa lebel sa ministeryal, sa lebel sa sub-ministerial, sa lebel sa mga tawo-sa-katawhan,” dugang ni Marcos.
“We are doing everything we can to engage with the Chinese leadership… to avoid clashes, avoid cannons, avoid water cannons, so that it doesn’t escalate to that level again,” dugang ni Marcos.
Nanghinaut ang Presidente nga maayo ang resulta sa hiniusang pagbansay sa West Philippine Sea niadtong Domingo kuyog ang mga internasyonal nga kaalyado ug kini makahulpa sa pagpanghadluk sa China.
Ang multilateral maritime cooperation activity ( MMCA) gipahigayon niadtong Abril 7 sulod sa Exclusive Economic Zone (EEZ) sa Pilipinas sa WPS.
Apan, nakig dungan usab ang China sa ilang Chinese combat patrols sa samang lugar.
Sumala ni Marcos dugang nang giplano ang MMCA sa WPS ug nakadawat siyag maayong resulta sa gipahigayon nga aktibidad.
Sa interim nga mga taho nga nadawat sa Presidente, daku ang natabang ang panaghiusa sa mga nasud labi na sa natad sa depensa, ug daghag natun-an ang mga tropa sa Pilipinas.
Sa dihang gipangutana kung sa iyang hunahuna ang multilateral exercises makapakunhod ba sa mga komprontasyon sa West Philippine Sea, mitubag ang Presidente nga hugot ang iyang paglaum nga ang Pilipinas naningkamot gayud sa pagbuhat sa tanan aron masulbad ang problema.
