DAKBAYAN SA DAVAO— Ikaduha na ang nasud Pilipinas sa tibouk kalibutan sa hisgutanang online sexual abuse and exploitation of children (OSAEC), kini sumala sa Cybercrime Investigation and Coordinating Center (CICC).
Kini ang hinungdan nga gilantaw ang mga Pilipino nga walay klarong moralidad nga baruganan sa paggamit sa internet o sa online.
Kini ang gibutyag ni Rose Magsaysay ang Assistant Secretary ug CICC Deputy Executive Director atoll sa budget hearing sa Department of Information and Communications Technology (DICT) niadtong Martes.
Sumala ni DICT chief Ivan Uy, ang kapobrehon ang nagtulak sa pipila nga mangwarta pinaagi sa online nga relasyon ug ang kakulangon sa gamit sa buhatan sa CICC nga makapakgang sa mga pagpangabuso sa internet dakung babag sa ilang misyon nga mahunong kini.
Apan, dinhi mismo sa Mindanao, kini usab nagapanghitabo.
Didto sa lungsod sa Socorro, sa Surigao del Norte, usa ka grupo nga nailhan isip Socoro Bayanihan Services Incorporated, usa ka lider ang giakusahang nanguna sa pag-abusosa mga minor de edad ug gitawag kini sa mga Senador nga usa ka kulto.
Mismong ang mga ginikanan ug kabanay sa mga minor de edad ang magtunol sa ilang anak sa ilang lider nga giilang si Jey Rence Quilario nga gitawag nila nga si Senior Agil, mao kuno ang naga-aghat sa anak sa ilang miembro nga makighilawas ug magpakasal sa edad nga dose anyos kay puede na kini ug giisip nga halad.
Sumala ni Senador Risa Honteviros, ang Socorro bayanihan Services Incorporated usa ka kulto.
Sumala ni Magsaysay, makita sa mga bata ang ginahimo sa ilang kapamilya, ilang silingan ug ilang mga higala nga makakuarta sila pinaagi sa internet ug kini maoy nagtukmod sa mga bata nga ila kining sundon aron makakuarta.
Naalarma ang mga senador sa taho nga ilang nadungog, kabahin sa seksual nga pagpangabuso sa mga minor de edad pinaagi sa internet.
Nangayo og ₱8.729-billion budget ang DICT alangsa tuig 2024, apan, kay wala daw igong pondo ang gobierno, ilang gihangyo nga bisan og ₱5.6-billion mahatagan man lang sila.
Aron mapaubos ang mga kasosa pagpangabuso sa kabatan-onan pinaagi sa internet, naglaraw si senador Ronald dela ROsa nga i-block o dili na tugutan ang pipila ka internet sites nga ma-abrihan dinhi sa Pilipinas
Apan, sumala taga DICT, nanginahanglan kini og balaud.
Ang Pilipinas kaniadto nailhan nga hotbed kon pugaran sa mga online scams.
Sumala usab sa Philippine National Police naalarma na sila sa nagkataas nga kaso sa pagpangabuso pinaagi sa internet.
Sa datos sa PNP-Anti-Cybercrime Group (PNP-ACG), tungod sa digitalization kon sa internet nagkadaghan na ang mga Pilipino nga gagamit niini ug daghan na usab ang nabiktima sa cybercrimes ug il ana kining gitawag nga Scamdemic.
Daghan na kayo ang maganingilad bisan sa online ug sa mga komunidad, ug sagad rason ang kawad-on.
Sa kaso sa Socorro, mismong ang mga opisyal na sa Socorro, Task Force Kapihan ang mi-angal. Tulo ka bata ang nasakop gikan sa kuko sa grupo.
Apan sumala sa usa ka Mamerto Galanida, Vice President Socorro Bayanihan Services, ang mga ginikanan ang mihatag og pagtugot ug ang mga akusasyon ilang gipanghimakak,
Kay matud nila na nagpatukod sila og simbahan ug ilang gihimo ang mga aktibidad alang sa kaayuhan sa katawhan.
Sumala ni Philippine National Police Chief Brug Gen. Benjamin Acorda, sagad sa mga kaso, dili makaabot sa presinto ug sa social media nalang kini gina-report.
Gi-awhag ni PNP Chief Acorda ang katawhan nga magpakabana, ug ireport ang mga panghitabo.
