DAKBAYAN SA DAVAO — Nahutdan na og barko ang Pilipinas nga gamiton aron mohatud og konsumo sa didto sa BRP Sierra Madre Naval Post sa Ayungin Shaol, kini ang gisaysay ni Armed Forces of the Philippines (AFP) Western Command commander Vice Admiral Alberto Carlos kagahapon.
Kini human gi-isprihan sa mga barko sa China Coast Guard ang Unaizah Mayo 4 (UM4) aron dili kini makaabot sa Ayungin Shoal.
Si Carlos nagsakay sa Unaizah May 4 (UM4) ug iya mismong nasaksihan ang pag-atake sa China pinaagi sa pag ispri og tubig.
“I’m running out of supply boats to use,” matod ni Carlos sa GMA Integrated News.
Matud ni Carlos nga ang ubang mga barko nga naga suplay nga naigo sa mga water cannon sa nangaging mga misyon ug padayon nga ginaayo (repair).
Sa mga video nga gihatag sa WESCOM makita si Carlos nga anaa sa “bridge” sa barko sa dihang giisprihan kini og tubig sa duha ka barko sa China. Ang Bridge sa barko mao ang lugar kung diin didto magpondo ang kapitan samtang nagdagan ang barko ug didto gikan ang tanang kamanduan samtang kini naglawig.
Tungod sa insidente, upat ka tripulante ang samaran human nangabuak ang bildo sa bintana bangka.
“Wala akong nakitang intention to sink just to disable because ang target nila is the bridge and smokestack para maano ang makina nato sama sa ilang gibuhat sa M/L Kalayaan,” matod ni Carlos.
Kahinumduman nga niadtong Disyembre giisprihan sab sa China Coast Guard M/L Kalayaan ug nadaot kini ug kinahanglang ipaguyod balik sa Palawan.
Niadtong Disyembre usab sa miaging tuig, laing resupply nga barko, Unaizah Mayo 2 ang gidasmagan sa China Coast Guard ug nagpabilin nga giayo.
Si Carlos niingon nga ipadala gihapon niya ang UM4 bisan pa sa pinakaulahing water cannon attack kay nagpabilin kining lig-on ug nakaangkon lamang og ginagmay nga kadaot.
Ang pinakaulahing water cannon nahitabo duol kaayo sa Ayungin Shoal. “Murag mas kusog karong panahona kaysa niadtong milabay nga pag-pang -ispri,” dugang ni Carlos.
“Parang mas malakas this time from the previous water cannon. Talagang tinarget nila… to stop from entering the shoal. We have already penetrated eight from the shoal. We’ve already crossed the 12 nautical miles, ‘yun ‘yung parang ano nila, eh erritorial seas,” dugang ni Carlos.
Gawas sa water cannon incident, gibanggaan usab sa Chinese Coast Guard vessel 21555 ang BRP Sindangan sa tuong kilid niini samtang nisuway sa pagbabag sa naulahi paingon sa Ayungin Shoal. Ang mga personahe sa Philippine Coast Guard daling nagbutang ug mga fender sa tuong bahin sa Sindangan ug nakalikay sa dugang kadaot.
