Gibadlong sa lokal nga panggamhanan sa Quezon City ang “Pink Sunday” nga gilusad ni vice President Leni Robredo ug sa iyang runningmate nga si Senador Kino Pangilinan tungod kay nagdikit na ang mga tawo nga mitambong ug wala na masunod ang health and safety protocol nga ilang nasabutan.
Sa sulat pahayag sa Quezon City government, gisaysay niini nga dunay kasabutan tali sa organizers ni Robredo nga sundon sa ilang panagtapok ang health protocol ug gani misaad ang iyang suportshinungdan nga gihatagan sila og permit.
Sa gipagawas nga sulat sa Quezon City, ilang gisaysay nga ang panagtapok nakalapas sa ilang kasabutan kay nagdikit ang mga tawo ug wala nasunod ang social distancing.
Matud sa sulat, naglaum sila nga mobarog ang mga suporters sa Leni-Kiko Team sa ilang saad, apan, napakyas kini.
Daan nang nagpasidaan ang lokal nga panggamhanan sa Quezon City nga kinahanglan masunod ang health protocol tungod kay aduna pay pandemya sa Covid-19 sa nasud.
Sa pag-interview sa mga taga radio kang Department of Interior and Local Government (DILG) Secretary Eduardo Año kaganina, gisaysay niini nga posibleng pasakahan og kaso ang grupo ni Robredo tungod sa reklamo sa lokal nga panggamhanan sa Quezon City.
Nangayo na og pasaylo ang campaign manager ni Robredo nga si Atty. Barry Gutierrez.
