DAKBAYAN SA DABAW (Sepetmber 2) — Aron ipakita sa katawhan nga puede gihapon kaunon ang gibukbok nga bugas sa National Food Authority, mikaon Si Agriculture Secretary Emmanuel Piñol sa nilung-ag niyang NFA rice nga nakamangan ug bukbok atubangan sa usa ka kamera sa television.
Ang bugas sa NFA nahugasan na, ug walay nay bukbok una kini gilung-ag, wala gi-apil ug luto ang bukbok.
Apan daghan ang natingala, nganong si Piñol man ang ningkaon sa bugas nga nakamangan ug bukbok nga si Jason Aquino man ang administrador sa NFA?
Sayo niini, giklaro ni si Piñol nga dili lakip o ubos sa buhatan sa DA ang NFA.
Nagkaon si Piñol sa gibukbok nga bugas sa NFA aron mawala kuno ang kalisang ug kabala sa katawhan sa pagkaon sa gipang-bukbok nga bugas sa NFA.
Nagsuwa si Piñol ug bulad samtang nagkaon atubagan sa camera sa UNTV.
“Puede kaonon akong ipakita ninyo, … Ako mismo naglung-ag ani” matud ni Piñol una siya mihungit sa iyang niluto.
Gipaklaro ni Piñol nga wala siya mokaon ug bukbok, apan matud niya “Ang akong gi-ingoon ayaw ninyo ilabay ang bugas nga gikamangan ug bukbok, kay ug mahugasan na ang bugas, mawala man ang bukbok.”
Gikaon ni Piñol ang bugas ng gibukbok didto sa Marilao Bulacan, ug dili sa buhatan sa Department of Agriculture sa Quezon City, kung asa naghuwat ang mga nagprotesta nga ilang silbihan si Piñol ug bugas nga baay bukbok.
Niadtong Biernes, Agosto 31, gideklara na sa NFA ug ang Bureau of Plant Industry (BPI) sa Bicol nga wala nay bukbok ang bugas nga gi-angkat sa NFA gikan sa nasud sa Thailand.-Harold V. Pontongan/NewsLine.ph
