DAKBAYAN SA DAVAO –Pito ka membro sa New People’s Army ang misurender sa kapulisan didto sa dakbayan sa Cagayan niadtong milabayng semana.
Sa taho sa Philippine News Agency, gibutyag ni Lt. Col. Mardi Hortillosa tigpamaba sa PRO 7, nga ang misurender nga rebelde naglihuk sa Guerilla Front 89, nga naglihuk sa syudad sa Malaybalay, Cabanglasan, San Fernando ug Impasug-ong.
Una niini, daghan na usab sa ilang kauban ang misurender, sumala sa tala sa kasundaluhan nga nadistino sa Malaybalay.
Sagad sa mga misurender mga hingkud na ang pangidaron ug nadistino sa kampo, ilang gibitbit ang ilang mga armas sa ilang pagbalik sa sabakan sa balaud.
Gilihuk na karon sa kapulisan ang ilang mga dokumento aron mahatagan sila ug pinansial nga hinabang sa gobierno.-NewsLine.ph
