DAKBAYAN SA DAVAO — Nanawagan ang Philippine National Police (PNP) sa publiko nga maghuna-huna una sa pagpaambit sa wala pa matino nga impormasyon human kini makadawat og pito ka bakak nga taho sa hulga sa bomba sulod lang sa usa ka adlaw.
Sumala ni Col. Jean Fajardo, ang tigpamaba sa PNP, unom na ka buhatan sa gobierno ang nakadawat og mga “email” kabahin sa pagpanghulga sa Metro Manila.
Apil sa nakadawt mao ang Department of Budget and Management (DBM), Department of Labor and Employment (DOLE), National Economic and Development Authority (NEDA), ug National Museum.
Usa sa mga hulga sa bomba gitumong sa Pangil Elementary School sa Pangil, Laguna. Ang mga klase ug transaksyon sa gobyerno sa munisipyo gikansela tungod niini.
“Mahigpit pong ipinagbabawal ‘yan sa ilalom sa batas. Sa pagkakaron, dili na moubos sa lima ka tuig, ug may multa pa nga ₱40,000,” matod ni Fajardo.
“Sa bahin sa PNP, dili nila ginabalewala ang nga report. Tinuod man kini o dili, molihok dayon kami isip kabahin sa among protocol kung hisgutan ang pagdumala sa mga taho nga may kalabotan sa mga hulga sa bomba,” saysay ni Fajardo.
Ang pagkatag sa mga hulga sa bomba nahitabo human sa pagbuto sa Mindanao State University sa Marawi City diin upat ka mga tawo ang namatay ug dosena ang naangol.
Mipasalig ang kapulisan sa publiko nga padayon nilang palig-unon ang seguridad sa tibuok nasud bisan human sa election period, lakip na ang pagmintinar sa random checkpoints.
“Kahit heightened alert lang ilabina dinhi sa NCR kay aduna kay igong gidaghanon sa mga personahe nga nagbabantay nga diyan sa mga lugar sa pagsimba, didto sa atong mga malls, sa atong mga terminal, sa atong mga tindahan,” matod ni Fajardo. .
[Translation: Bisag anaa pa lang ta sa heightened alert level dinhi sa NCR, aduna kitay igong personnel nga gipakatap sa mga lugar nga sambahan, malls, terminals, ug uban pang mga establisemento.]
Una niini, gianunsyo ni Presidente Bongbong Marcos nga nagpakatag na og mga pulis sa nagkadaiyang lugar aron maprotektahan ang mga komunidad, kini human nahitabo ang pagpamomba sa Marawi City.
