DAKBAYAN SA DAVAO-— Laing hugna na usab sa pagtaas sa presyo sa lana ang masinati sa mga motorista ugma Abril 16, kini ang gi-anunsyo sa mga kompanya niadtong Lunes.
Sa ilang mga pahibalo sa publiko, ang Pilipinas Shell Petroleum Corp., Seaoil Philippines Corp, ug Caltex niingon nga ilang usbawan ang presyo sa matag litro sa diesel og P0.95, kerosene og P0.85, ug gasolina og P0.40.
Ang Cleanfuel, Jetti Petroleum Inc, Petro Gazz, Unioil, PTT Philippines mopatuman sa samang adjustments, walay labot ang kerosene nga wala nila madala.
Ang mga adjustment magaepekto sa alas 6 sa buntag sa Martes alang sa tanang mga kompaniya, gawas sa Cleanfuel nga motaas sa presyo sa alas 4:01 sa hapon. sa samang adlaw.
Sumala ni Department of Energy-Oil Industry Management Bureau Director III Rodela Romero, nga ang pagsaka sa persyo sa lana niadtong milabayng semana resulta sa kagubot ug kabalaka sa tensyon sa Gaza Strip kung diin gipang bombahan sa mga Israeli ug nakapatay sa tulo ka anak nga lalaki sa usa ka lider sa Hamas.
