DAKBAYAN SA DABAW — Mga pulis walay angay kabalak-an kabahin sa pagpatuman sa PNP Localization Program tungod kay igo ra sila ipuli sa mga pulis nga gustong moserbisyo sa iyang mga lugar.
Mihimo og pagpaklaro si PNP Chief Police General Camilo Cascolan nga way angayang kalabak-an ang may kalabutan sa pagpatuman sa PNP Localization Program tungod kay swapping of personnel lang ang pagahimuon niini.
Buot pasabot, og dunay usa nga makuha sa usa ka unit, pagapulihan sab kini og laing personahe aron nga dili makabakante o mabawasan ang police personnel sa maong unit.
Priority sa maong programa nga madestinoang usa ka police personnel sa iyang lugar, duol sa iyang balay o gipuy-an. “Ibig sabihin, 1:1 localization means going to near or at the area of your residence,” sumala ni Gen. Cascolan.
Pinaagi niini ipakita sa mga pulis ang ilang kakugi ug abilidad sa kahawod sa ilang trabaho sa ilang komunidad mismo. Dugang ni General Cascolan nga nibati na og kabalaka ang pipila ka mga local executives tungod kay wala napasabot og tarong ang maong programa.
Base sa Section 63 sa Republic Act 8551 or the Philippine National Police Reform and Reorganization Act of 1998 nga nag-ingon nga ang mga PNP members nga dunay ranggo nga Patrolman/woman hangtud sa Police Executive Master Sergeant mamahimong e-distino sa lugar og asa sila na recruit; sa lugar og asa nagpuyo, ug kun dili, sa lugar nga duol sa iyang pinuy-anan.
Base sa record sa DPRM 8,561 na ka mga PNP Personnel ang misugot nga ma distino sa ilang lugar apan 7,410 lamang nga nag-qualify sa maong programa; 4,742 ka mga pulis ang ma re-aasign sa National Capital Region; 841 ang buot magpa-assign sa CALABARZON; 475 sa Central Luzon ug 475 ang buot mobalik sa Bangsamoro Autonomous Region.
Ang mga aplikante nga nagsubmiti og affidavit of undertaking sa pag-avail sa localization program for reassignment mao ray ma-proseso sa DPRM ug kasamtangan nang gina-proseso ang mga requests ubos sa localization program.
Bisan pa man sa kamaayosa plano ni Cascolan, adunay pagduda ang pipila kay kuno og sa pagbalilhin sa pulis sa ilang mga komunidad dili na sila kabadlong labi na kong ang mga pasaway ilahang paryente.-Cheche G. Diabordo/Newsline.ph
