Nakaserbisyo si Rapiz isip hepe sa ‘logistics branch’ sa Zamboanga del Norte Police Provincial Office.
Matud pa ni Police Chief Inspector Helen Galvez, ang tigpamaba sa police regional office sa Bacolod, misulay ug iskapo si Rapiz samtang naglusad ug pagpangronda ug namatay kini sa engkuentro tali sa kapulisan atubangan sa Andres Bonifacio College Gym.
“Ang operasyon sa kapulisan miresulta sa panag-engkuentro tali sa mga suspetsado, nga misangpot sa kamatayon ni Police Supt. Santiago Ylanan Rapiz,” saysay ni Galvez.
Midagan kuno si Rapiz sadihang iyang namatikdan nga naay operasyon ang kapulisan, apan na-corner siya sa mga operatiba nga gilangkuban sa Police Counter-Intelligence Task Force (CITF) ug sa mga personahe Philippine Drug Enforcement Agency (PDEA).
“Imbis nga mopatim-aw siya sa otoridad, mibunot man siya sa iyang pusil ug namusil sa mga operatiba. Ang mga operatiba mibalos pagpaboto ug naigo siya, Gidala siya sa Corazon Aquino Hospital sa Dipolog City pero gi-deklarang dead on arrival sa mga doctor,” sumala ni Galvez ug iyang gibasihan ang opisyal nga taho sa CITF.
Nakuha atol sa operasyon ang mga sinilopin ang gisuspetsahang ‘shabu’ nga mokantidad ug P50,000 ug .45-kalibre nga pistola.
Si Rapiz ang ikatulo nga pulis nga namatay sa pagpangronda sa iyang kauban sa buhat.
Matud pa ni Chief Insp. Sherlock Gabana, public information officer sa BCPO, ang pasidungog kon police/military honors ihatag lang sa mga personahe nga namatay atol sa iyang pagpanerbisyo og sa mga retiradong opisyal og sa mga mihawa sa serbisyo nga adunay maayong hinimuan.
Ang mga personahe sa Philippine National Police (PNP) nga namatay isip susptesado sa usa ka ilegal nga aktibidad dili mahatagan ug pasidungog kon ‘funeral honors.
Ang pasidingog kon ‘Full funeral honors’ ginahimo sa paghatag ug 21-gun salute (pagpaboto) ug ang membro usab sa PNP ang mokarga sa minatay paingon sa iyang karo.
Si Rapiz, usa sa mga pulis gikan sa Negros Occidental ug Bacolod City nga gipadala sa Mindanao niadtong 2016, human migawas ang ilang pangalan ga nalambigit sa ilegal nga druga, apan iya kining gihimakak.
Ang iyang asawa nga si Michelle, nanawagan nga unta imbistigahan sa Kongreso ang kamatayon sa iyang bana, gani nanawagan pa kini kang Presidente Rodrigo Duterte nga matagaan ug hustisya ang kamatayon sa iyang kapikas,
Matud pa ni Mrs. Rapiz walay operasyon nga nahitabo.
Apan, matud ni Chief Supt. Emmanuel Luis Licup, director of Police Regional Office-9 (Zamboanga Peninsula), usa ka lihitimong operasyon ang gilusad, gani may koordinasyon sila sa PDEA una pa man gisugdan ang pagpangronda-Harold V. Pontongan/NewsLine.ph
