Residente sa Bago, NegOcc na-trauma sa sunod sunod nga patay tungod sa kilat

DAKBAYAN SA DABAW (Hunyo 4)  — Tungod sa sunod sunod nga insidente sa kamatayon ug ubay-ubay nga samaran sa pagkaigo sa  kilat, nagpahigayon ug programa ang  Bago City Disaster Risk Reduction and Management Office, pinaagi sa Mental Health and Psychosocial Support Program,  ug   debriefing sa Barangay Ma-ao niadtong Huebes, Hunyo 1.

Sumala sa taho sa Philippine News Agency, gipahigayon ang debriefing tungod kay nangalisang ug na-trauma na ang mga mulopyo sa barangay Bago, Hinigaran, Negros Occidental.

Niadtong  bulan sa Mayo, unom na ka tawo ang nangamatay,  tungod sa sunod sunod nga insidente sa kilat.

Matud pa ni, Merijene Ortizo, Local disaster risk reduction and management officer, ang mga residente na-tauma sa mga panghitabo.

Si Ortizo nagbutyag nga naghimo sila ug psychological first aid sa mga kabataan ug psychosocial processing alang sa mga hamtong, tungod sa ilang nasinating kalisang.

Gipahigayon ang pag-proses, human namatay ang duha ka tawo human sila naigo sa kilat samtang dose usab ang nasamdan.

Sa taho sa Bago Police, ang trabahador sa tubo ang nailhang si Alger Nicoyco namatay human kini maigo sa kilat niadtong Biernes, Hunyo 1.

Namatay Nicoyco samtang samaran ang iyang kauban nga nailhan lang sa pangalang Jimboy,  mga tabahador sa tubo sa Purok 7, Barangay Quiwi sa lungsod sa Hinigaran.

Sumala sa taho sa kapulisan, kusog ang ulan, ug  namasilong silang duha ilalum sa nipa nga payag sa dihang naigo sila sa kilat mga alas singko (5)  ang takna sa kahaponon.

Naigo ug namatay usab sa kilat si Reynaldo Alanza, didto sa Purok Malipayon, Barangay Ma-ao sa  Bago City

Si Alanza naigo sa kilat samtang nagtigad kini sa iyang humayan bandang alas tres (3) ang kahaponon niadtong Lunes, Mayo 28.

Ang duha ka kamatayon sulod sa usa ka semana, tungod sa kilat ang natala sa Bago City Police.

Samtang niadtong Mayo 22,  onse (11) ka tawo apil ang walo ka menor de edad ang nasamdan tungod gihapon sa kilat sa Purok Pandan, sa barangay sa  Ma-ao.

Ang mga biktima nagpahigayon sa aktibidad sa Flores de Mayo sa sulod sa kapilya sa dihang naigo sila sa kilat.

Niadtong Mayo 25, upat ka trabahador sa tubo ang namatay og laing tulo ang samaran didto sa Hacienda Carmenchica sa Barangay Don Salvador Benedicto, sa Lungod sa Pontevedra, tungod gihapon sa kilat.

Ang lungsod sa Pontevedra, tapad lang sa lungsod sa Hinigaran.

Na-trauma ang mga residente tungod sa sunod sunod nga patay, hinungdan nga gipahigayon ang seminar.-Harold V. Pontongan/NewsLine.ph