DAKBAYAN SA DAVAO – Wala nay kinabuhi dihang pag-abot sa miresponding miyembro sa emergency medical technician sa 911 ang wala mailhing rider nga nabagnos sa national highway sa Purok 21, Budbud Bunawan, Davao City kaganihang alas 12:44 sa kaadlawon, Oktubre 14, 2024.
Sa inisyal nga imbestigasyon sa kapulisan nga miyembro sa Bunawan Police Station 6, nawad-an og kontrol ang rider nga nagsubay sa highway nga padulong sa sentrong bahin sa syudad ang direksiyon ug natumba ug nagbagnos sa kalsada.
Walay makita nga mga dokumento sa motorsiklo ang mga pulis ug bisan ID sa rider.
Gidala sa usa ka punerarya ang patay nga lawas sa rider samtang gikustodiya sa mga pulis ang motorsiklo sa biktima.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
