DAKBAYAN SA DABAW— Tulo ka tawo ang namatay samtang 17 ang naangol sa dihang nagbangga ang usa ka multicab ug Toyota Innova didto sa Purok 2 Hijo, Maco-Mati Coastal Road, Compostela Valley Province, kaganinang ala 9:00 sa buntag.
Nagsampok ang Navarra Pick-up, Toyota innova ug usa ka pampasaherong Multicab, nga miresulta sa kamatayon sa tulo (3) ug mi-angol sa laing 17 ka tawo.
Gibutyag ni Maco Police Station Commander Woody Sabdani, ang pick-up ug Innova nagsunod ug padulong kini sa Maco, apan, kalit mi-overtake sa ‘outer lane’ ang Innova, ug pagbalik niini sa iyang linya iyang nabanggaan ang pick-up, ug didto kini milahos sa kasugat nga multicab nga puno ug pasahero.
Giila ni Sabdani ang mga nangamatay nga sila si Bern Gestapa, Zaida Rongco (mga Pasahero) ug Alberto Cambal ang driver sa Multicab.
Nasa kustodiya na sa Maco Police Station ang driver sa Pick up.
Ang mga pasaherong nanga-angol gidala usab sa Davao Regional Medical Center sa Apokon, Dakbayan sa Tagum.-Reeya Nuñez/NewSline
