CAGAYAN DE ORO CITY – Patay na sa dihang nakaplagan sa iyang kauban niadtong Biernes sa hapon ang Seaman nga giilang si 2nd Engineer Aristone Calad, 65 anyos, taga Diplahan, Zamboanga Sibugay, sulod sa barko nga nagpondo sa baybayon sa Tablon, ning dakbayan.
Sa taho ni Cagayan de Oro City Police Director PCol. Henry Dampal ngadto kang PNP Regional Director PBGen Rolando Anduyan, nakadawat og tawag ang kapulisan gikan sa barko nga Kheri 10 nga nangayo og tabang mga alas 4:00 sa hapon May 8, 2020, tungod kay ilang nakaplagang patay na si Calad.
Gidugang pa sa report , nga ang biktima anaa sa sulod sa barko cargo ship kuyog ang iyang mga kaubang tripolante.
Matud sa kauban ni Calad nga si 3rd Engineer Rhey Palis, lima na ka adlawng nasakit ang biktima.
Ang Kheri 10 usa sa mga barkong gipanag-iyahan sa Kheri Lines.
Gisaysay ni Palis sa kapulisan nga niadtong May 3, 2020 nakasinati na og panakit sa kalawasan, gumikan sa pag karga sa mga kargamento, giubo ug gihilantan.
Apan pagka May 8, 2020 siya nakaplagang patay sulod sa barko.
Gumikan niini, ang mga sakop sa BHERT sa Tablon, daling mi coordinate sa City Health Office and the Managent of the Dead Body Cluster para sa protocol.
Nagpadayon usab ang investigation sa mga otoridad kalabot niini ug magsunod usab sa guidelines sa Inter Agency Task Force COVID-19.-Thata Roxas.
