DAKBAYAN SA DABAW —Nagpositibo sa coronavirus disease (COVID-19) si Department of Education Secretary Leonora Briones, apan, matud niini padayon siyang manerbisyo pinaagi sa intenet aron makatabang sa nasud ug makaserbisyo sa iyang ahensya..
Kagahapon, gipahibalo ni Briones ang publiko nga siya positibo sa coronavirus human niya madawat ang resulta sa iyang test Mierkules sa gabii.
“Mag-isolate ko, pero motrabaho gihapon, akong gi-ingnan kadtong mga tawo nga dunay physical nga contact sa ako ug ang akong mga nakauban nga mag self-quarantine ug modoul sa Department of Health,” saysay ni Briones.
Matud ni Briones padayon siyang motrabaho bisan pa man siya karon nagpalayo sa mga tawo.
Si Briones ikaduhang membro sa Kabinete nga nagpositibo sa coronavirus, una niini si Interior and Local Government Secretary Eduardo Año.
Gibutyag ni Briones nga siya magpadayon ug partisipar sa miting sa Inter-Agency Task Force (IATF) Task Force ug sa Management Committee (ManCom) miting, pinaagi sa internet aron makapadayag sa posisyon sa DepEd kabahin sa problema sa COVID-19 ug sa uban pang hisgutanan.
Sama ni Año, si Briones manerbisyo aron ang iyang departamento padayong nga makaserbisyo.-jap
