DAKBAYAN SA TAGUM –— Gipaskusgan sa probinsyal nga panggamhanan sa Davao del Norte ang sektor sa agrikultura aron ang katawhan dunay makaon samtang nag-atubang sa hagit sa Coronavirus pandemic.
Sumala ni Gobernador Edwin I. Jubahib mihimo sila og mga lakang aron mapugngan ang pagkagutom ug kasamok nga posibleng resulta sa usa ka sosyal nga problema kung dili mapangandaman, samtang ang katawhan nakig-away batok sa Covid-19.
Usa ka programang pang agrikultura nga gitawag “kausa sa Agrikultura ug Pangabuhian sa Barangay” ang gilusad niadton milabayng simana didto sa Magatos, sa lungsod sa Asuncion, diin gipahigayon nila ang pag-apod-apod sa mga liso sa mga gulay ug mga manok sa matag grupo.
Sumala ni Romulo Tagalo, Department of Provincial Environment and Natural Resource Office, ang programa nagsilbi nga “ikaduhang linya” sa pagpanalipod tungod kay ang kagutom sa pagkaon mao ang ikaduhang epekto sa pandemya.
“Panahon sa pandemya ang atong kalihokan pinugngan sa gobyerno tungod sa kalisang niini na basig ma takbuyan ang tanan sa virus. Pero na sabtan pud sa gobyerno nga gi gutom ang tao,” saysay ni Tagalo.
“Kinahanglan nga pakusgan ang sektor sa agrikultura ug ang matag pamilya nga motabang sa pagpalig-on niini,” saysay ni Jubahib.
Sumala ni Gov. Jubahib, ang programa usa ka kompleto nga pakete diin kini ipatuman, pag-monitor, ug pangitaon ang merkado alang sa mga gulay nga makuha gikan sa matag pamilya, mao nga ang kita makuha alang sa mga pamilya ug wala sa mga gulay mangadunot nga wala maabtik sa mga estante.
Busa ang para sa kada barangay dili magtanom ug parehas gitanom ato nga barangay. Kailangan lain-lain para lain-lain usab ang produkto, saysay niya.-Winkle Mae Tabuclao/Newsline
