Senador Angara bag-ong DepEd Secretary

Date:

Share post:

DABAYAN SA DAVAO, Pilipinas-— Gitudlo ni Presidente Ferdinand Marcos Jr. si Senador Juan Edgardo “Sonny” Angara isip bag-ong Education Secretary.

Si Angara maoy mohulip kang Bise Presidente Sara Duterte, kinsa mi-anunsyo sa iyang pagluwat sa ahensya niadtong Hunyo 19 ug opisyal nga moluwat isip hepe niini karong Hulyo 19.

Si Angara niingon nga andam siyang manguna sa departamento sa edukasyon, ang labing dakong burukrasya sa gobyerno, kon itudlo siya ni Marcos sa maong ahensya.

Sa pahayag sa Presidential Commication’s Office gitumbok niini kalapad sa kasinatian sa Senador isip miembro sa lehislatibo, kay matud niini daku ang matabang sa kasinatian ni Angara sa iyang mahinungdanon nga papel sa pagduso sa mga reporma sa sektor sa edukasyon.

“Ang iyang talagsaong mga nahimo sa lehislatura naglakip sa Universal Access to Tertiary Education Act ug ang Enhanced Basic Education Act of 2013 (K-12),” pahayag sa PCO.

Gibutayag usab sa PCO nga gipahibalo ni Marcos ang pagkatudlo ni Angara atol sa ika-17 nga Gabinete Meeting sa Malacañang.

“Sonny has agreed to take on the brief of the Department of Education,” matud sa PCO.

Si Angara adunay Master of Laws gikan sa Harvard University, Bachelor of Laws gikan sa Unibersidad sa Pilipinas, ug Bachelor of Science in Economics gikan sa London School of Economics.

Nakakuha usab siya og suporta gikan sa mga importanteng organisasyon sa edukasyon, uban sa Coordinating Council of Private Educational Associations (COCOPEA) ug Philippine Association of Colleges and Universities (PACU), nga nag-endorso sa Presidente sa iyang pagkatudlo isip bag-ong hepe sa DepEd.

Gihangop sa DepEd ang pagtudlo kang Angara isip sunod nga Kalihim.

Sa usa ka pamahayag, si DepEd Undersecretary ug tigpamaba nga si Michael Poa mipadayag ug pagkamalaumon sa pagpauswag sa kalidad sa batakang edukasyon ubos sa pagpangulo ni Angara.

“Ang komunidad sa DepEd nagpaabut sa pagtrabaho kauban ang bag-ong pamunoan samtang nagpadayon kami sa among walay hunong nga pagtinguha sa pagpauswag sa kalidad sa Basic Education sa nasud,” ingon niya sa usa ka pahayag.

2411 COMMENTS

RIZAL MEMORIAL COLLEGEspot_img

Related articles

No Pax Silica Signing during Trump’s Philippine visit; Protesters Reject Initiative

DAVAO CITY (November 18) --President Ferdinand “Bongbong” Marcos Jr. and US Ambassador to the Philippines Lee Lipton have...

3 Malaysians, 11 Filipinos Rescued in Suspected Online Scam Hub

DAVAO CITY (November 18, 2026) — A supposed opportunity for decent employment turned into an alleged nightmare of...

Banaybanay rises from third-class to First-Class town, opens new development

BANAYBANAY, Davao Oriental (November 18) — Marking a significant milestone in local governance and economic growth, the...

More than 200 protesters held as stalled inquest raises due process concerns

UP students, campus journalists among those detained after anti-Pax Silica rally; families and rights advocates await clarity on...