DAKBAYAN SA DABAW —– Gisaway na usab sa katawhan si Senadora Cynthia Villar tungod sa iyang mga insensitibong pamulong nga gibuhian kabahin sa mga panlantaw kabasin sa nagkadaiyang isyu sa nasud labi na sa mga medical frontliner nga nakig-away sa coronavirus-19.
Sa dihang gipangutana ang senador unsa iyang panglantaw sa hangyo sa mga medical frontliners nga nangayo ug duha ka semanang pahulay tungod sa kakapoy ug nagkataas nga kaso sa coronavirus, mitubag ang senador “Hindi na siguro. Pagbutihin nila trabaho nila.”
Ang tubag ni Villar gisaway sa sobra 60mil ka tao sa twitter.
Apan matud sa senador, iya lang gipagawas ang iyang tinoud nga opinyon.
Matud sa usa ka doctor, walay puangod si Villar ug wala kini nakasabot sa gibati sa mga frontloners.
Aduna usab nag-ingon “Walay bag-o niya , sauna iyang gi-insuslto ang mga nurse ug mga mag-uuma”.
Niadtong Domingo, giklaro ni Villar ang ang iyang komentaryo alang sa mga taga Department of Health, kay mao man ang ilang mandato nga manerbisyo sa katawhan,
Si Dr. Benito Atienza, vice president sa Philippine Medical Association, nagbutyag nga ang isyu ng ailang gipadangat sa Inter-Agency Task Force angay tubagon tungod kay daku kini ug epekto sa ilang trabaho.
Matud ni Atienza dili nila masabtan ang direksyon sa DOH ug gani daghan pa ug panginahangaloon nga angay ihatag sa maong ahensya.-Winkle Mae M.tabuclao/Newsline.ph
