DAKBAYAN SA DAVAO — Anaa karon sa hospital si kanhi Japan Primie Minister Shinzo Abe human kini natumba samtang nagahatag og “speech” sa entablado sa syudad sa Nara, matud sa report NHK Japan.
Matud sa report sa NHK namulong si Abe sa usa ka political even sa dihang dunay nadungog nga duha (2) ka buto ug kalit natumba si Abe ug nagkadugo na kini.
Sumala ni Japan Cabinet Secretary Hirokazu Matsuno gispul si Abe bandang alang 11:30 sa buntag.
Sumala sa report sa NHK ug sa Kyodo News japan, nangampanya si Abe alang sa iyang partido nga Liberal Demokratic Party didto sa train station sa wester region a Nara Japan, sa dihang ilang nadungog ang duha ka buto ug sunod nilang nakita nga natumba ug nagkadugo na si Abe.
Matud sa usa sa mga mitabang kang Abe nga ikarga sa helicopter, murag nagka Cardio Respiratory Arrest si Abe, kon wala na kini miginhawa samtang ilang gikarga.
Sumala sa taho sa mga Japanese News Agency, samtang nagmulong si Abe, miadto sa likod nga bahin ni Abe ang suspect nga giilang si Tetsuya Yamagami.
Usa ka improvised shotgun nga murag dulaan tan-awon ang gigamit sa suspek sa pagpusil kang Abe.
Sumala sa mga Japanese media agencies, si Yamagami, nakaserbisyo og tulo ka tuig isip membro sa Japan Maritime Self-Defense Force kutob niadtong tuig 2015.
Si Abe. 67 anyos, nagsilbing Prime Minister sa Japan ug president sa Liberal Party niadtong tuig 2006 hangtud 2007, niadtong tuig 2012 hangtud tuig 2020 nagsilbi kining Prime Minister sa nasud.
Si Abe ang dunay pinakataas nga record sa iyang pagpanerbisyo isip Prime Minister sa Japan.
Soud nga amigo si kanhi Presidente Rodrigo Duterte ug si Abe, gani, mibisita si Abe sa balay ni Duterte sa iyang [agbisita sa dakbayan niadtong tuig 2017.
