TAGUM CITY —Gipailawon sa training ang pipila ka mga staff sa COVID-19 molecular laboratory sa Davao de Oro. Ang training gipangunahan sa Philippine Genome Center sa University of the Philippines-Mindanao sa Mintal, Davao City, agig pagpangandam sa pag-abli sa Provincial Local Government Unit of Davao de Oro (PLGU-Davao de Oro) sa ilang kaugalingong COVID-19 laboratory sa Davao de Oro Provincial Hospital-Montevista (DDOPH-Montevista).
Dako’g tabang ang pagbaton og kaugalingong laboratoryo sa Davao de Oro hilabi na nga duna nay natalang kaso sa local ug community transmission sa Davao de Oro.
Mas paspas na ang pagtest sa mga suspected individuals ug sa mga individual nga anaa sa mga isolation units sa probinsiya.
Natukod na usab ang laboratoryo sa DDOPH-Montevista samtang nagapadayon ang training sa mga staff sa laboratory ug ginahulat pa ang pag-abot sa mga equipments nga gamiton ug ibutang sa laboratory. – Newsline.ph
