LUNGSOD SA KABACAN (Marso 2) — Lima ka munisipyo na sa North Cotabato ang gi-deklarang ubos sa State of Emergency tungod sa grabeng init nga nakaapekto na sa nilibo ka mga kaumahan.
Grabeng giigo sa init ang mga munisipyo sa Alamada, Aleosan,Mlang, Tulunan og Pikit dinhi sa probinsya.
Gibana-banang milyones na ang mga pananum nga naapekuhan sa init og gituohang mosamot pa sa umaabot nga bulan.
Sumala ni Engineer Arnulfo Villaluz, ang action officer sa Provincial Disaster Risk Reduction Management Council (PDRRMC), naapil sa rehiyon dose (R12) nga mga lugar nga gilaumang makasinati ug tumang kainit sa panahon, tungod kay panagsa ra mag ulan.
Tungod niini, nagsugod na ug panghatag ug ayuda ang nagkadaiyang buhatan sa goberno aron matabangan ang mga apektadong mag-uuma.-cacs/newsline.ph
