DAKBAYAN SA DAVAO-— Gipulihan gilayon ni Bureau of Corrections (BUCOR) Director General Gregorio Catapang Jr. ang hepe sa Davao Prison and Penal Colony human nakapuga ang usa ka piniriso niadtong Septiembre 13 bisan pa man nadakpan na kini og balik.
Sa usa ka sulat pahayag nga gipagawas sa BuCor niadtong martes, Septiembre 19, , gisaysay ni Catapang nga iyang gihulipan si kanhi superintendent Rufino Martin tungod kay dugay niini gipahibalo ang BuCor nga gikagiw ang usa person deprived of liberty (PDL) nga giilang si Jundee Caño gikan sa minimum security compound.
Naaresto si Caño sa kapulisan sa Damulog Municipal Police Station didto sa probinsya sa Bukidnon niadtong Septiembre 17, sa susamang adlaw usab nagpadala sa iyang report kabahin sa insidente si martin.
Sumala ni Catapang ang mga panghitabo sa Bucor ug sa mga prisohan sa tibouk nasud, angayan nga ipahibalo gilayon sa iyang buhatan.
Wala usab gisaysay ni Catapang ang pangalan sa mihulip kang Martin.
