DAKBAYAN SA ZAMBOANGA (Enero 30)— Patay ang gikatoohang membro sa Abu Sayyaf Urban Terrorist sa dihang misukol kini sa kapulisan nga nagpatrolya niadtong Lunes alas 9:21 sa gabii.
Giila sa kapulisan ang suspek nga s Admar Asil alyas nga Adbul. Sulaiman Hasilon, Wiwing Intay, 35 anyos.
Basi sa inpormasyon nga nakuha sa kapulisan, si Asil membro sa Urban Terrorist Group sa Abu Sayyaf nga gipangulhan ni Marzan Ajijul.
Sumala sa taho sa kapulisan, naglakaw lakaw si Asil sa Barangay Sto. Niño, ug sa dihang nakamatnonan niini nga gisundan sa siya sa mga otorida, dali kining mibunot sa iyang pusil nga ponto .45 ug iyang gipabuthan ang mga nag ronda.
Nahitabo ang pinusilay tali sa kapulisan ug ni Asil, nga miresulta sa iyang kamatayon.
Narikober sa ang 1.5 plastic container nga gidudahang dunay sulod nga Ammonium Nitrate Fuel Oil (ANFO), usa ka MK2 hand grenade, Detonating cord, Electric time fuse aug celllphone. Mga gamit paghimo ug bomba.
Gibutyag ni Police Chief Inspector Helen Galvez, tigpababa sa Police Regional Office 9, padayon nilang gi-imbestigahan ug ginasundan si Asil, hinungdan nga napakgang ang mga planong pagpanghasi sa mga terorista dinhi sa syudad.- Maebel Perez/NewsLine.ph
