DAKBAYAN SA DABAW — Nanawagan karon ang Davao Region COVID-19 Task Force sa tanang miadto sa New Matina Davao Gallera niadtong March 6 hangtod March 13, 2020 ang ilang pamilya, ug mga tawong ilang nahalubilo o nalambigit kinahanglan nga mag-isolate sulod sa 14 ka adlaw.
” Sa mga dunay sip-on, ubo, kalintura, kalibanga o sakit nga tutunlan, palihog og adto sa Sta. Ana Health Center o sa Crossing Bayabas Health Center sa Toril,” mandu sa Task Force.
Gibanabana nga sobra libo ka tawo ang misulod sa maong sabungan tungod kay dunay derby niadtong March 6 hangtud 13, 2020.
Nanawagan ang Task Force sa tanang pamilya, amigo, kauban sa trabaho ug sa mga naduolan nila nga mopailawon sa katorse (14) ka adlaw nga ‘quarantine” kon pag-iway sa uban.
Sa mga nadoulan ug dunay kalintura, ubo, sip-on, katol nga tutunlan ug nagkalibang, paadtuon gilayon sa mga nahisgutang health centers.
