SYUDAD SA MARAWI, Pilipinas— Nagsige na usab ug pang aghat ang mga teroristang ISIS sa mga katawhan sa nagkadaiyang lugar sa Mindanao aron mosalmot sa ilang grupo.
Ang pag-recruit na monitor na sa kasundaluhan bisan pa man wala pa nakauli ang mga bakwit sa ilang panimalay human gi-deklara nga gawasnon na ang Marawi sa hulga sa mga teroristang ISIS.
Sumala pa ni Col. Romeo Brawner Jr., ang deputy commander sa Joint Task Grop Ranao , ilang natitikan ug nakaabot na usab kanila ang mga taho nga nag-sige na usab ug pang aghat ang mga terorista sa mga sibilyan nga musampa kanila.
Matud pa sa tinubdan sa Newsline,ph, aron mag-aghat ang katawhan sa pagsalmot sa teroristang grupo ila kining tagaan ug kuarta nga mukabat sa P200,000 hangtud 500,000 matag tawo depende sa iyang kahanas ug adunay pa kunoy binulan nga sueldo.
Pipila ka residente sa Marawi na ang nakadungog sa maong balita nga gikan ra usab sa ilang mga kaila nga gihanyagan sa teroristang grupo.
“Ilang gina-aghat ang mga residente sa Marawi ug sa pipila ka lugar sa Mindanao nga moduyog sa ilang kawsa tungod kay na-agrabyado kuno sila sa mga panghitabo sa Marawi,” Matud pa ni Brawner.
Sumala pa ni Brawner gigamit sa mga terorista ang isyu sa pagkapulpog sa marawi aron makakuha ug simpatiya sa ilang pag-pang recruit.
Apan, Matud pa ni Brawner, gina sundan na sa intelligence community sa AFP ang mga lihuk sa mga tawo nga gisuspetsahang membero sa teroristang ISIS.-Harold V. Pontongan/Newsline.ph
Leave a Reply