DAKBAYAN SA DABAW — Pormal nang giabrihan sa publiko ang coronavirus-19 testing facility sa Davao del Norte niadtong milabayng semana.
Ang Testing Facility nga anaa sa sulod sa compound sa Davao Regional Medical Center, Barangay Apokon, gi-abrihana na pinaagi sa usa ka seremonyas.
Tumong sa maong COVID-19 Testing Facility nga mapadali ang pag-“test” sa posibleng natagbuyan sa kagaw nga mga lumulupyo sa Davao del Norte ug mapaduol kini sa uban pang mga probinsya.
Gilauman nga pinaagi sa maong pasilidad, maka “test” ug 1,320 hangtod 2,500 ka tao kada bulan aron makatabang sa Nasyonal nga Panggamhanan sa pag resolba sa pandemyan.
Mapasalamaton gayod si Governador Edwin I. Jubahib sa mga nagkadaiyang stakeholders tungod sa ilang dakong partisipasyon ug suporta alang sa kaayuhan sa tanan.
Iya usab gipasibaw ang mga nabuhat sa mga stakeholders nga miresulta sa kalampusan sa maong proyekto.
Ang seremonyas gitababugan sa mga mayor sa nagkadaiyang lungsod ug munisipyo sa probinsya sama nilang Island Garden City of Samal Mayor Al David T Uy; Mayor Allan Rellon (Tagum City), Mayor Al David Uy (Samal Island), Mayor Jose Relampagos (Panabo City).
Mitabang usab sa maong seremonyas sila si DRMC chief Dr. Bryan O. Dalid, Mr. Dino Mae Suelto ug mga kaubananan sa MAER Summit Konstruct, Co., Dr. Lyre Ani Murao ug mga kaubanan sa University of the Philippines – Mindanao, ug uban pang opisyales sa Probinsyal nga Panggamhanan.-Newsline.ph
