Budget sa PCOO gi-oktaba kay wala pa nipakita si Asec Mocha Uson

Posted on

DAKBAYAN SA DABAW (Oktobre 3)— Gi-oktaba na usab  sa Kongreso ang pag-aproba sa kinatibuk-ang 2019 budget sa buhatan sa Presidential Communications Operations Office (PCOO),  tungod kay wala na usab mitambong si Assistant Secretary Margeaux “Mocha” Uson.

“Amo ng gi-aprobahan ang tanang budget sa mga ahensya nga ilawom sa PCOO, apan dili pa na kinatibuk-ang budget,” Matud pa ni Deputy Speaker Raneo Abu.

Kaduha na gi-oktaba  ang pag-aproba sa budget sa PCOO tungod kay gusto ni ACT Teachers Partylist Congresswoman France Castro nga mopakita si Uson sa hering ug depensahan ang ilang budget sama sa ginahimo sa ubang opsiyal sa ahensya sa goberno.

Atol sa pagtuki sa budget sa PCOO kagahapon, Oktobre 2, gipangnitan na usab ni  Castro kung naa ba si Uson, “Gihangyo naku nga paadtuon dinhi si Assistant Secretary Mocha Uson, nia ba siya dinhi?” pangutana ni Castro.

Apan, Si Parañaque City Congressman Eric Olivarez, ang misudo sa pag-aproba sa budget, mitubag nga pauli palang sa Pilipinas si Uson kay mikuyog kini kang Foreign Affairs Secretary Alan Peter Cayetano ug sa  delegasyon sa Pilipinas didto sa United Nations General Assembly sa New York City.

“Nia na to ugma, pero wala ko kabalo unsang orasa,” saysay ni Olivarez.

Gani, matud pa ni Olivares, katulo na gihangyo ni PCOO Secretary Martin Andanar si Uson nga motambong sa budget hiring,  apan wala pa gihapon kini nagpakita.

“Dapat manubag ug moatubang diri sa Kongreso si Uson, pareho sa ginabuhat sa ubang opisyal sa ahensya sa gobyerno,” Sugyot ni Castro.

Si Deputy Speaker Prospero Pichay, nagbutyag nga ilang i-iway ang pag-aproba sa budget sa PCOO hangtud mopakita si Uson.

Sa tuig 2019, nangayo ug PHP1.474-billion nga budget ang PCOO, mas daku sa kamtangang budget ng PHP1.435 billion.

Ang budget sa PCOO bahin-bahinon sa mga buhatan niini sama sa musunod: : PCOO proper, PHP360.988 million; Bureau of Broadcast Service, PHP396.967 million; Bureau of Communications Service, PHP37.186 million; National Printing Office, PHP11.499 million; News and Information Bureau, PHP124.677 million; Philippine Information Agency, PHP337.486 million; and Radio TV Malacañang, PHP205.180 million. –Harold V. Pontongan (kinutlo gikan sa tahosa PNA)

Be informed
  •  
  •  
  •  
  •  
  •  
  •  
  •  
  •  
  •