3 ka opisyal sa pulis nga nasakpang nag-inom gipalagpot sa serbisyo

Posted on
Police Regional Office 11 Regional Director PCSupt Manuel Gaerlan with the members of the command group leads the send-off of 1,446 pre-deployed personnel of PNP, AFP, Civilian and other agencies to provide security for the official launching of ASEAN 2017 Chairmanship on January 15, 2017 at Davao SMX Convention. PNP-XI Photo

DAKBAYA SA DABAW (Enero 24) — Tulo ka pulis  nga nasakpang nag-inom nga nakauniporme og nakuhaan ug video niadtoong milabayng simana, gipalagpot sa  serbisyo, samtang gi-imbistigahan ang ilang kaso.

Sumala ni Police Regional Office (PRO)-11 spokesperson Chief Inspector Jason Baria na-ilhan ang tulo ka pulis nga sila si Superintendent Danny Pallado, Inspector Freddie Viernes, og Senior Police Officer (SPO)3 Myla Duro — nga nadistino sa  Philippine National Police (PNP) Regional Internal Affairs Service (RIAS)  sa rehiyon.

Ang  RIAS, mao ang buhatan ang nagataral sa  mga kasong administratibo sa mga pasaway nga membro sa PNP.

Si Pallado ang hepe sa Internal Investigation Division (IID) samtang si Biernes ang iyang deputy.

Ang tulo ka opisyal nakuhaan  ug video ni Jun Digamon, ang manager sa Brigada News, samtang nag-inom.

Sa ikaduhang video makita nga ang tulo ka opisyal mihangyo nga tagaan sila og diskwento sa ilang gikaon nga mga pagkaon.

Sa pakihibani kang Baria niadtong Mierkules, gibutyag niini nga wala pa siya nakakita sa video, apan siya mipasalig ng akung aduna moeklamo batok sa mga opsiyal ili kining paminawon ug ilang imbistigahan.

Matud pa ni Baria, klaro sa palisiya sa PNP nga ang pag inom sa mga pulis samtang naka uniormi, hugot nga gibawal, kay kini dili angayang batasan sa usa ka pulis.

Si Senior Inspector Ma. Theresita Gaspan, tigpamaba sa Davao City Police Office (DCPO) nagbutyag nga ilang sundan ang kaso tungod kay ubos kini sa RIAS.

Niadtong milabayng simana, si regional police director Chief Superintendent Marcelo Morales mipagula ug usa ka kamanduan nga nagbawal sa tanang kapulisan sa rehiyon sa pag-inom ug makalango nga illimnon samtang naka-uniporme

Gibawal usab ni Morales sa kapulisan, ang pagsulod sa mga balay kalingawan ug sama niining establismento.

Ang pagbawal sa kapulisan, subay sa kamanduan sa  Department of the Interior and Local Government (DILG) og  Philippine National Police (PNP).-NewsLIne.ph

Be informed
  • 147
  •  
  •  
  •  
  •  
    147
    Shares
  • 147
  •  
  •  
  •