Babayeng Insik gipriso kay namasya ug taho sa pulis

Posted on

DAKBAYAN SA DABAW (Febrero 10) — Usa ka babayeng Insik ang gibalhog sa prisohan, human niini gibasyahan ug ‘Taho” ang pulis nga na destino sa Metro Rail Transit’s (MRT) Boni Ave. station sa Mandaluyong City kagahapon alas 8:00 sa buntag.

Sumala ni Direktor Guillermo Eleazar, hepe sa National Capital Region Police Office (NCPRO), si Jiale Zhang, 23, residente sa 30P Axis Residences, Pioneer St., sa Mandaluyong, nasuko kang Police Officer 1 William Cristobal human kini gipugngan pagsulod sa MRT kay nagdala ug ‘Taho.

Gipasabot ni PO1 Cristobal kag Zhang nga bawal magdala ug mainom ug pagkaon sa sulod sa MRT, apan imbis nga maminaw, gibasyahan hinuon sa babaye ang police sa iyang gibitbit nga taho ug nahuod gani ang uniporme niini.

Gilayong gi-aresto nila Cristobal og PO1 Dominador Olempiada si Zhang tungod sa paglapas sa balaud, walay respeto sa otoridad og ‘direct assault’ og gibalhog sa Police Community Precinct 5 sa Mandaluyong.

Samtang gipatuki sa Bureau of Immigration, ang istado ni Zhang sa nasud.

Sumala ni Dana Krizia Sandoval, tigpamaba sa BI, ilang istudyuhan ang kaso nga ipasaka batok ni Zhang ug sila makig-alayon sa Department of Transportation ug sa NCRPO.

Samtang gipahimumd LRT nga bawal magdala og pagkaon o mainum sulod ang mga pasahero, ila kining gi-implimentar human mibusikad ang bomba sa Mt. Carmel Cathedral sa Jolo, Sulu, niadtong Enero 27.-Jian A. Padillo/NewsLine.ph

Be informed
  •  
  •  
  •  
  •  
  •  
  •  
  •  
  •  
  •