Anak gipusil patay sa iyang amahan

Posted on

DAKBAYAN SA ILIGAN (Abril 26) — Gipusil sa iyang kaugalingong amahan ang iyang 33-anyos nga anak samtang nag-inom sa ilang balay sa Purok 5A, Sitio Paitan, Barangay Dalupuga niadtong Mierkules sa gabii, Abril 25.

Sumala ni Corporal Wendell Empinado, imbistigador sa kaso, gipusil ni Juanito Oro Cases ang iyang anak nga nailhang si Rico Cases, sa dihang nagkalalis ang duha samtang nag-inom.

Sa pakighinabi sa mga reporter sa amahan, iyang gisaysay nga nawad-an siya ug kontrol sa iyang kaugalingon sa dihang nag wild ang iyang anak, maong iyang gikuha ang iyang .38 nga pistola ug iya kining gipusil.

Apan ang mga silingan nagbutyag nga dugay nilang nahibaw-an nga ang amahan ang ginaproblema sa iyang pamilya, rason nga namatay ang asawa niini sa sakit tungod kay sige ug konsemisyon.

Sumala ni Empinado, ang igsoon ni Rico nga babaye ang pursigidong mopasaka ug kaso batok sa ilang amahan.-Divina M. Suson/NewsLine.ph

Be informed
  • 25
  •  
  •  
  •  
  •  
    25
    Shares
  • 25
  •  
  •  
  •