‘Spray plane’ nahagsa, piloto patay

Posted on

LUNGSOD SA CARMEN, Davao del Norte (Abril 28) — Patay ang 25 anyos nga pilotong si Jessie Kevin Lagapa taga Lapu Lapu City Cebu, human nahagsa sa basakan ang gimaneho niining spray plane alas 6:30 kagahapon sa buntag, Abril 27 sa Purok 1 brgy Mangalcal Carmen Davao del Norte.

Gideklarang dead on Arrival ang biktima sa Carmen District Hospital.

Nasayran nga gikan nagpahigayon ug aerial spray ang eroplano nga dunay body number RP-R5388 sa banana plantation sa Brgy kasilak Panabo City sa dihang nahitabo ang aksidente ug didto mihagsa sa basakan nga gipanag iyahan ni Alodia Omega.

Ang spray plane gipanag-iyahan sa Davao Aerowurkz Corp.

Way laing naagin sa maong insidente gawas na lamang sa mga tanom sa humay ug sa linya sa kuryente sa NAPOCOR. Sa imbestigasyon sa Carmen Police Station, namatikdan na sa mga residente nga lain na ang nagpaubos ang eroplano ug mura kini ug nawad-an ug direlsyon hangtud nga nahagsa kini.

Samtang padayon pa ang ginahimong imbestigasyon ug unsay hinungdan sa maong insidente. –Reeya Nuñez/NewsLine.ph

Be informed
  •  
  •  
  •  
  •  
  •  
  •  
  •  
  •  
  •