Kanhi lider sa militanteng Karapatan sikop, nakuhaan ug ‘shabu’ tooter sa TF Davao

Posted on

DAKBAYAN SA DABAW (Abril 30) — Gibalhog karon sa prisohan ang kanhi secretary general sa militanteng grupo nga Karapatan human kini makuhaan ug tooter sa checkpoint sa Task Force Davao, sa Barangay Licanan ning dakbayan, niadtong Domingo sa buntag, abril 28.

Giila ni Police Major Noel Villahermosa, hepe sa Bunawan Police, ang suspek nga si Kelly Delgado, 39, anyos, ug nagpailang lider sa usa ka politiko sa Davao del Norte.

Sumala ni Villahermosa, nagsakay si Delgado sa usa ka PUV ug sa dihang gi-inspeksyon sa kasundaluhan ang iyang dalang bag, nakita ang usa ka ‘improvised glass’ tooter nga dunay mga lama sa gikatuohang shabu.

Ang tooter usa ka instrumento nga ginagamit sa pagsuyop sa aso sa sinunog nga ‘shabu’.

Ang ‘tooter’ nga nakuha sa usa ka Kelly delgado.-Hulagway gikan sa TF Davao.

Midugang si Villahermosa nga nagpositibo sa gihimong drugtest si Delgado. Gipasakahan na siya ug kaso sa pagsupak sa Comprehensive Dangerous Drugs Act of 2002 (RA 9165).

Nahibaw-an usab nga dunay warrant of arrest ang suspek, Kasong Multiple Murder ug Arson ug duna usab siyay kasong ‘grave threat’.-Reeya Nuñez/NewsLine.ph

Be informed
  • 145
  •  
  •  
  •  
  •  
    145
    Shares
  • 145
  •  
  •  
  •