3 ka pulis trainee patay sa aksidente

Posted on

DAKBAYAN SA CAGAYAN DE ORO (Mayo 7) — Tulo ka bag-o palang misulod sa trining pagka-pulis ang namatay, samtang 18 sa ilang kauban ang naangol kagahapon sa buntag sa dihang nadisgrayas ang ilang gisakyan sa Barangay Gusa, dinhi sa syudad.

Sumala ni Major Julius Clark Macariola IV, Hepe sa Agora police station, nagsakay sa usa ka Isuzu Canter truck ang mga biktima, kay gisugo sila pagkuha ug mga tinambak nga troso ug ligid didto sa barangay Indahag aron dalahon sa headquarter sa 4th Infantry Division sa Philippine Army, para sa ilang ‘riding course’.

Ang mga recruit gikan sa Regional Mobile Force Battalion sa Philippine National Police-10 (PNP-10) nga naka-basi sa Indahag.

Matud ni Macariola padulhog na sa bakilid ang trak apan, kalit kining nawad-an ug preno, hinungdan nga gibangga sa driver ang sakyanan sa gayt, apan milahos ang trak sa kakahuyan.

Daghan sa mga trini ang nalagpot sa impak sa kagusgon sa dagan sa sakyanan, gani, naunay sila ug kaigo sa ilang dalang kahoy ug ligid.

Usa ang intimanong namatay ug ang laing duha nadala pa sa hospital, apan nakabsan na kini sa ilang kinabuhi.

Giila ang namatay nga mga trini nga sila si Roigie Bulay, Elbert Sheen Labra ug Aldred Catane.

Sumala ni Colonel. Mardy Hortillosa, tigpamaba sa Cagayan Police, mi-angkon nga ilang gihangyo ang mga trinis nga mohakot sa ligid ug troso nga ilang gamitunon.

“Among gikasubo ang nahitabo,” saysay ni Hortillosa.-Jian Padillo/NewsLine.ph

Be informed
  • 31
  •  
  •  
  •  
  •  
    31
    Shares
  • 31
  •  
  •  
  •